خواطر طالبة بكلوريا علمي!...

اختي فوفو بكلوريا علمي ومرة شفتها كاتبة على ورقة وحاطتها على مكتبها:


خواطر طالبة بكولريا علمي: الجمعة 8\1\2010
عندما اصبحت بكلوريا للمرة الأولى أو بالأحرى للحظة الأولى من نهاية الحادي عشر كنت في غاية السعادة وخصوصاً أنو هذا يعني أنو انا رح اخلص أخيراً من شي اسمو مدرسة!!.... بس لما لمست الواقع بايدي حسيت أنو غير هيك تماماً؟!!... قصدي أنو ما حسيت بأنو أنا صرت كبيرة بالعكس حسيت حالي صغيرة كتير بقرب هالبكلوريا العملاقة اللي بكون شخص مو بس مسطول لأ ومعاق كمان اللي بخلصها بدون انهيار عصبي!! يا عمي شي بخلي الدنيا بين كل 3ساعات ونص تفتل قدام عيونك وتحس حالك مت الأطرش بالزفة وبتصير بحاجة لإبرة منشط اللي هي فنجان القهوة المركزة أو (نسكافيه) أو حبة!!!!! أكيد السؤال هون هو شو هالحبة اللي رح ترجعلك نشاطك للدراسة؟ هالحبة هي عبارة عن مادة بيضاء ليس لها رائحة ولكن يعشقها الكثيرون ومنهم من دخل سجن المساطيل بسببها هي............. (حبة البانادول) أي هي الحبة الوحيدة اللي بقدر من بعدها ادرس.....